Chief

Z. Genc Metaj

DREJTOR EKZEKUTIV - AGJENCIA E MENAXHIMIT EMERGJENT

Genc Metaj ka lindur me 20 maj 1979 në Prishtinë.
Z. Genc Metaj ka qenë pjesëtarë i Ushtrisë Çlirimtare të Kosovës, Trupave Mbrojtëse të Kosovës dhe Forcës së Sigurisë së Kosovës.

Z. Genc Metaj ka përfunduar Fakultetin Juridik në Prishtine në vitin 2008 dhe në vitin 2013 ka kompletuar studimet Master në Studimet e Lidershipit në Universitetin e Teksasit në El Paso në Shtetet e Bashkuara të Amerikës. Në vitin 2010 Ka përfunduar shkollimin për Instruktor të Anglishtes Amerikane me fokus në terminologjinë ushtarake në Shtetet e Bashkuara të Amerikës. Nga Studimet Ushtarake, z. Metaj në vitin 2013 ka përfunduar Akademinë Ushtarake të Rreshter Majorëve në Shtetet e Bashkuara të Amerikës. Ai ka përfunduar një numër të madh të trajnimeve dhe kurseve në fushën ushtarake, gjithashtu ka marrë pjesë në shumë konferenca ndërkombëtare dhe seminare të ndryshme në fushën e sigurisë, si dhe ka ligjëruar në disa Akademi Ushtarake të shteteve të NATO-së.

Z. Metaj ka punuar në disa pozita udhëheqëse dhe menaxheriale në Ushtrinë e Kosovës. Ai ka një përvojë të gjatë mbi dhjetë vjeçare në nivelin strategjik në Forcën e Sigurisë së Kosovës, ku ka pasur pozitën më të lartë të Rreshter Majorit kryesor të Ushtrisë, përgjegjës për 2500 pjesëtarë.

Z. Metaj për punë profesionale dhe përfaqësim të dinjitetshëm të Republikës së Kosovës është shpërblyer disa herë nga institucionet vendore dhe ndërkombëtare si:
“Medalje për Shërbim të Shquar”, dhuruar nga Komandanti i Gardës Kombëtare të Ajovës, për udhëheqje dhe bashkëpunim në avancimin e Partneritetit Shtetëror ndërmjet Forcës së Sigurisë së Kosovës dhe Gardës Kombëtare të Ajovës.
Inaugurimi në “Korridorin Ndërkombëtar të Famës” për performancë të shkëlqyeshme dhe student i dalluar në Akademinë e Rreshter Majorëve.
“Medalje për Shërbim të Dalluar” dhuruar nga Ministri i Mbrojtjes për shërbim të dalluar dhe kontribut të veçantë në ristrukturim dhe modernizim të Forcës së Sigurisë së Kosovës.
“Medalja e Ardhmja Fillon Këtu” dhuruar nga Komandanti i Forcës së Sigurisë së Kosovës për arritje të lartë akademike dhe përvetësim të programit mësimorë.
“Qytetar Nderi” i qytetit EL Paso në Teksas, Shtetet e Bashkuara të Amerikës, i shpallur nga Kryetari i Komunës El Pasos, për përfaqësim të dinjitetshëm të Republikës së Kosovës në arenën ndërkombëtare.
“Medaljen e Shërbimit” nga Komandanti i Forcës së Sigurisë së Kosovës.
“Medalje për Shërbim Meritor” në Trupat e Mbrojtjes së Kosovës.

Z. Metaj është i martuar dhe ka dy fëmijë.
Pas kalimit me sukses të procedurave rekrutuese, me datë 23 shtator 2024, Z. Metaj është emëruar Drejtor Ekzekutiv i Agjencisë së Menaxhimit Emergjent nga Kryeministri i Republikës së Kosovës z. Albin Kurti.